|
काठमाडौं, ३ मंसिर । एक साता अघि एक सय भन्दा बढीको ज्यान जाने गरी भएको आतंककारी आक्रमणपछि फ्रान्सेली प्रधानमन्त्री म्यानुयल वाल्सले मुलुकमा रासायसनिक हतियारबाट आक्रमण हुन सक्ने चेतावनी दिएका छन् ।
सांसदहरुसँगको बहसमा भाग लिँदै उनले आतंकवादी संगठनले फ्रान्समा रासायनिक या जैविक हतियारबाट आक्रमण गर्न सक्ने चेतावनी दिएका बिबिसिले जनाएको छ । गएको शुक्रबार एक सय २९ जनाको ज्यान जानुका साथै करिब चार सय जना घाइते हुने गरी भएको आतंकारी आक्रमणको विषयमा भइरहेको बहसमा सहभागी हुँदै प्रधानमन्त्री वाल्सले आक्रमणकारीले नयाँ नयाँ शैली अपनाउन सक्ने भएकाले सचेत रहनु पर्ने बताए ।
‘मैले पूरै सतर्कता अपानउन निर्देशन दिइसकेको छु कि हाम्रो ध्यान यसमा राख्नु पर्ने आवश्यक छ, रासायनिक तथा जैविक हतियारको बन्दोबस्त निकै खतरा बनिरहेको छ’ प्रधानमन्त्री वाल्सको भनाइ छ ।
यद्यपी, उक्त आक्रमणपछि फ्रान्समा लगाइएको संकटकाल तीन महिनासम्म बढाउने विषयमा सांसदहरुमा छलफल भएको छ । फ्रान्समा भएको उक्त आक्रमणपछि युरोपेली मुलुकमा मात्रै होइन अमेरिका लगायतका देशमा उच्च सुरक्षा सतर्कता अपनाइएको विवरणहरु आएका छन् ।
|
|
0 comments:
Post a Comment