|
सिरहाः संयुक्त लोकतान्त्रिक मधेशी मोर्चाका कार्यकर्ताहरुले लहानमा शनिवार विहान गोदामअगाडि रोकिरहेको एक मालवाहक ट्रकमा आगजनी गरेका छन् ।
लहानको सहीद पार्कदेखि करीब एक सय मिटर उत्तरतर्फ रहेको बजर राइस मीलको गोदाममा स्कर्टि बाट आएको ना. ३ ख २२२९ नम्बरको ट्रकबाट खाद्यान्न सामग्री झार्न लागेको बेलामा शनिवार विहान करीब २:३० बजे मोर्चाका कार्यकर्ताहरुले उक्त ट्रकमा आगजनी गरेको थियो।
आगजनीबाट १० वटै चक्कासहित पुरै ट्रक र त्यसमा रहेको बलराम अग्रवालको स्वामित्वको बागेश्वरी टेडर्सको नाममा आएको केराऊहरु सबै जलेर नष्ट भएको छ । मोर्चाले स्कर्टिङ्गबाट खाद्यान्न सामग्री ल्याइए पनि बजारमा कृत्रिम अभाव सृजना गरेर अकुत सम्पति कमाउन खोजेकोले ट्रकमा आगजनी गरेको सङ्घीय समाजवादी फोरमका नेता रामचलित्तर महतोले जानकारी दिए ।
यसअघि पनि गत मङ्गलबार राति ११:२२ बिजे लहानको पश्चिम चोकस्थित मनकामना लजअगाडि रोकिरहेको एक यात्रुवाहक बसमाथि अज्ञात समुहले आगजनी गरेका थिए । तर उक्त आगजनी कसले गरेको हो भन्ने कुरा अहिले पनि सार्वजनिक हुन सकेको छैन ।
इलाका प्रहरी कार्यालय लहानका प्रमुख प्रहरी नायव उपरीक्षक राम केसीले मोटरसाइकलमा आएका दुई व्यक्तिले रोकिरहेको ट्रकमा आगजनी गरेको भन्ने प्रारम्भिक अनुसन्धानबाट खुलेको उल्लेख गर्दै उनीहरुको खोजी भइरहेको बताए।
|
|
0 comments:
Post a Comment