|
आयरल्याण्ड : भारतीय नाकाबन्दी विरुद्ध आयरल्याण्डवासी नेपालीले पनि विरोध प्रदर्शन गरेका छन् ।
गैरआवसीय नेपाली संघ आयरल्याण्डले आयोजना गरेको विरोध प्रदर्शनमा सयौं नेपालीको सहभागिता रहेको थियो।
आयरल्याण्डको डब्लिन सहरमा आयोजना गरिएको विरोध प्रदर्शनलाई सम्वोधन गर्दै एनआरएन आयरल्याण्डका अध्यक्ष राजन काफलेले भारत सरकारको हस्तक्षेप विश्वलाई जानकारी दिन विरोध प्रदर्शन आयोजना गरिएको बताए।
नेपालको पारवहन अधिकार कुण्ठित गर्ने दुष्प्रयास नर्गन आग्रह गर्दै काफलेले नाकाबन्दीले नेपालीको मानवअधिकार हनन भएको बताए । अध्यक्ष काफलेले तत्काल कुटनीतिक तबरवाट समस्या हल गर्न पनि सरकारलाई आग्रह गरे।
यस्तै एनआरएनका पुर्वअध्यक्ष गणेश प्रसाईले एउटा स्वतन्त्र मुलुकका लागि भारतको हेपाहा प्रवृत्ति स्विकार्य नभएको बताए । विश्वभर रहेका नेपाली गरेको प्रदर्शनले भारतीय नाकाबन्दी विश्वव्यापीकरण भएको प्रसाईको भनाई थियो । एनआरएनएका उपाध्यक्ष वसन्त न्यौपाने, पुर्वउपाध्यक्ष नवराज कोइरालाले प्रदर्शनमा उल्लेख्य नेपालीको सहभागिता रहेको जानकारी दिए ।
विरोध प्रदर्शनमा नेपाल आयरल्याण्ड सोसाइटी, विद्यार्थीका साथै सन्चारकर्मीको समेत उल्लेख्य सहभागिता रहेको थियो। पारवहन अधिकार कुण्ठित गर्न पाईदैन, नाकाबन्दी तत्काल खोल, नेपालमाथिको हस्तक्षेप बन्द गर जस्ता नारा लेखिएका प्लेकार्ड र व्यानर वोकेर नेपालीहरु सडकमा ओर्लिएका थिए ।
भारतीय नाकाबन्दी विरुद्ध गैर आवसीय नेपाली संघ लगायत विभिन्न संघ संस्थाले विरोध प्रदर्शनका साथै भारतीय दुतावासमा ज्ञापन पत्र वुझाउँदै आएका छन् । नेपालीले निरन्तर विरोध गर्न थालेपछि भारतीय दुतावासहरुले नेपाली संघ संस्थाको ज्ञापन पत्र समेत वुझन छोडेका छन्।
|
|
0 comments:
Post a Comment