|
काठमाडौं, चैत १८ । छद्म प्रहरीको भेषमा ठगी गर्ने सिन्धुपाल्चोककी एक युवतीलाई प्रहरीले पक्राउ गरेको छ । सिन्धुपाल्चोक माङ्खा गाविस वडा नम्बर ६ घर भएकी कोपिला बोहरालाई प्रहरीले ठगी आरोपमा पक्राउ गरेको हो । बोहराले आफ्नो नाम थर नै परिवर्तन गरेर आँफु प्रहरी भएको बताउँदै लाखौँ रकम सापटी लिएर ठगी गरेको सिन्धुपाल्चोक प्रहरीले जनाएको छ ।
प्रहरीका अनुसार २४ वर्षे बोहराले आफुलाई सशस्त्र प्रहरी बलको बरिष्ठ हवल्दार भएको बताउँदै ओखलढुंगाका परदेश राईसँग १६ लाख रुपैयाँ लिएकोमा ११ लाख ७५ हजार रुपैयाँ फिर्ता नगरेको भभन्दै राईले सशस्त्र प्रहरी बल सीमा सुरक्षा कार्यालय सिन्धुपाल्चोकमा खबर गरेपछि उनी प्रहरी नभएको रहस्य सार्वजनिक भएको थियो ।
बोहरालाई अन्तत शसत्र प्रहरीको टोलीले नै पक्राउ गरी प्रहरीको जिम्मा लागएको थियो । बोहराले राईलाई बाहेक काडमाडौँकै लक्ष्मी प्रधानलाई पनि ६० हजार रुपैयाँ ठगेको उजुरी परेको छ । प्रहरीले आफ्नो कारवाहीका कारणका विषयमा सोधपुछ गर्दा बोहराले सशस्त्रको दज्र्यानी चिन्हसहितको पोशाक प्रयोग गरी तस्वीर खिचाएको र रकम असुल गरेको र तिर्न बाँकी रहेको समेत कवुल गरेकी छिन् ।
|
|
0 comments:
Post a Comment