|
एमालेका उपाध्यक्ष युवराज ज्ञवालीले प्रधानमन्त्रीले केही दिनमै चीन भ्रमण गर्न लागेको र सो भ्रमणका क्रममा नेपाल र चीनका बीचमा धेरै व्यापारिक सम्झौताहरु हुने बताए ।
उनले अहिलेको नाकाबन्दीबाट भारतीय शासकहरु पनि सोच्न बाध्य भएको भन्दै अब नेपालले पनि आत्मनिर्भरताको बाटोमा अघि बढ्नुपर्नेमा जोड दिए ।
‘अबको चुनौती आत्मनिर्भरताको बाटोमा अघि बढ्नु नै भएको भन्दै उनले नेपालीहरु पनि आफ्नै खुट्टामा उभिन सक्ने हुनुपर्ने बताए । उनले भने-'केही दशकमै हामी भारत र चीनभन्दा संमृद्ध बन्नसक्छौँ त्यसका आधारहरु हामीमाझ प्रशस्तै छन् ।’
उनले अब दलहरुमाथि लोकतन्त्रलाई बलियो बनाउने र देश अनि जनताको संमृद्धि गर्नुपर्ने चुनौति थपिएको बताए ।
राजनीतिक आन्दोलनबाट अधिकारको लडाईँ सकिएको भन्दै उनले अबको चुनौति भनेको जनताको समृद्धि नै भएको र फेरि पनि गल्ती गरे जनता को साथ दलहरुलाई नहुने र कम्यूनिष्टहरु पनि नरहने चेतावनी दिए ।
ज्ञवालीले भारतसँगको सम्बन्ध सामान्यीकरणमात्रै भएको तर अझै ढुक्क हुने अवस्था नभएको बताए ।
भारतले अघोषितरुपमा नाकाबन्दी गरेर ‘युद्धआह्वान’ नै गरेको भन्दै उनले त्यसका अघि नेपाली नझुकेको बाए ।
'हामी झुकेनौँ बरु, उसलाई वास्तविक कुरो बुझाउन सफल भएका छौँ, तर, अझै स्थिति सहज भइसकेको छैन, हामी अब पनि ढुक्क भएर बस्यौँ भने त्यो ठूलो राजनीतिक भूल हुनेछ' उनले भने ।
उनले भारत र चीन दुवै छिमेकीसँग समान सम्बन्ध कायम गर्नुपर्छ भन्दै तत्काल चीनसँग व्यापारिक सम्झौताहरु अघि बढाउनुपर्नेमा जोड दिए ।
|
|
0 comments:
Post a Comment