|
केबल टेलिभिजन सञ्चालकले मंगलबार बिहान १० बजेदेखि देशभर हिन्दी च्यानलको प्रशारण ठप्प पारेका हुन्। सोमबार बसेको नेपाल केबुल टेलिभिजन संघ र नेपाल केबुल टेलिभिजन एसोसिएसनको संयुक्त बैठकले भारतको नाकाबन्दीको विरोधमा हिन्दी च्यानलको प्रशारण बन्द गर्ने निर्णय गरेको हो।
राष्ट्रिय स्वाधिनतामाथि गम्भीर हस्तक्षेप भएको निष्कर्ष निकाल्दै हिन्दी च्यानलको प्रशारण बन्द गरेको नेपाल केबुल टेलिभिजन संघका अध्यक्ष सुधीर पराजुलीले बताए। हिन्दी च्यानलको प्रशारण अनिश्चितकालका लागि बन्द गरिएको हो।
चितवन, पोखरा र महेन्द्रनगरमा यसअघि नै हिन्दी च्यानलको प्रशारण बन्द भैसकेका छन्। नेत्रविक्रम चन्द विप्लव नेतृत्वको नेकपा माओवादीले पनि हिन्दी च्यानलको प्रशारण बन्द गर्न दबाब दिएको थियो।
|
|
0 comments:
Post a Comment