|
विराटनगर - आफ्नी श्रीमतीसँग आफ्नो अनुपस्थितिमिा यौन सम्पर्क राख्दै गरेको अवस्थामा फेला पारेपछि मोरङमा श्रीमानले ती व्यक्तिलाई चिर्पट प्रहार गरेर गम्भीर घाइते बनाई दिएका छन् ।
दुबै जनाको सम्बन्धका कारण रिसको आवेगमा आएका श्रीमानले दाउराको चिर्पटले हान्दा गम्भीर घाइते भएका ती व्यक्तिलाई उपचारको लागि धरानस्थित बीपी कोइराला स्वास्थ्य विज्ञान प्रतिष्ठान पु-याइएको छ ।
आफ्नी श्रीमतीले अर्कै व्यक्तिसँग यौन सम्पर्क गर्दै गरेको अवस्थामा भेटेपछि ती श्रीमान रिसले भाउन्न हुँदै चिर्पटले प्रहार गरेको प्रहरीको प्रारम्भिक अनुसन्धानबाट खुलेको हो ।
आफ्नी श्रीमतीले अर्कै व्यक्तिसँग यौन सम्पर्क गर्दै गरेको अवस्थामा भेटेपछि ती श्रीमान रिसले भाउन्न हुँदै चिर्पटले प्रहार गरेको प्रहरीको प्रारम्भिक अनुसन्धानबाट खुलेको हो ।
मोरङको केरावारी– ६ जंगीहाटका बस्नेत थरका ती व्यक्तिले स्थानीय ४० वर्षीय खड्गनारायण गिरीमाथि दाऊराको चिर्पट प्रहार गरेका हुन् । घटनामा गम्भीर घाइते भएका उनलाई उपचारका लागि धरान पठाइएको जिल्ला प्रहरी कार्यालय मोरङले जनाएको छ । टाउको र शरीरका अन्य भागमा चोट लागेको गिरी खतरामुक्त भएको प्रहरीले जनाएको छ ।
जिल्ला प्रहरी कार्यालय मोरङका अनुसार आफ्नी श्रीमतीसँग अनैतिक सम्बन्ध राख्दै गरेको अवस्थामा फेला पारेपछि श्रीमानले गिरीलाई चिर्पटले हानेका थिए । मोरङ प्रहरीका प्रवक्ता प्रमोदकुमार खरेलले भने,‘अनैतिक सम्बन्ध राख्दै गर्दा भेटेर आक्रमण भएको भन्ने प्रारम्भिक अनुसन्धानले देखाएको छ ।’ गएराति भएको घटनाको विषयमा थप अनुसन्धान भई रहेको खरेलले बताए ।
|
|
0 comments:
Post a Comment