|
उहांले केन्द्रीय समिति बैठकमा केन्द्रीय सदस्यहरुले उठाएका प्रश्नहरुको जवाफ दिएपछि स्पष्टीकरण लिनुहुने बताईएको छ । गत १५ गतेदेखि सुरु भएको बैठकमा अध्यक्ष दाहालले पेश गर्नु भएको राजनीतिक प्रतिवदेनमा सदस्यहरुले धारणा राखेका थिए । बैठकमा १ सय १४ जना केन्द्रीय सदस्यहरुले धारणा राखिसकेका छन् भने बोल्न बाँकी तीन जना केन्द्रीय सदस्यले आफ्नो धारणा राखेपछि अध्यक्ष दाहालले आज सदस्यहरुले बैठकमा उठाएका प्रश्नहरुको जवाफ दिनुहुनेछ ।
पार्टी पदाधिकारीदेखि स्थायी समिति र पोलिटब्युरो सदस्य तथा मन्त्रीहरुलाई अनिवार्य उपस्थितिका लागि निर्देशन दिएको आजको बैठकमा पार्टी सचिव तथा शिक्षा मन्त्री गिरिराजमणी पोखरेल,स्थायी समिति सदस्य तथा गृहमन्त्री शक्तिबहादुर बस्नेत र पोलिटब्यूरो सदस्य सन्तु दराईले आध्यक्षको प्रतिबेदनमा धारणा राख्न सुरु गर्नु भएको प्रबक्ता दिनानाथ सर्माले जानकारी दिनुभयो । बैठक पार्टी केन्द्रीय कार्यालय पेरिस डाँडामा जारी छ ।
|
|
0 comments:
Post a Comment