|
गेटाफेमा भने नेयमरले रोनाल्डोको अगाडि रहन आफ्नो नवौं व्यक्तिगत गोल गरे। त्यस अगाडि लुइस स्वारेजले आफ्नो आठौं गोल गरे। चोटग्रस्ट जादूयी खेलाडी लियोनल मेसीको अनुपस्थितिमा नेयमर र स्वारेजले बार्सिलोनाको आक्रमण सम्हालिरहेका छन्। रियल र बार्सिलोना दुवैको दस खेलबाट २४ अंक भएको छ। रियललाई बार्सिलोनामाथि गोल अन्तरको फाइदा छ। सेल्टा भिगो भने तेस्रो स्थानमा छ र उसको २१ अंक छ। यससँगै उसले एटलेटिको म्याड्रिडलाई उछिनेर तेस्रो स्थान पनि कब्जा गरेको छ।
सेल्टाले रियल सोसिडाडमाथि ३–२ को जित निकाल्यो र पुनरागमनमा सम्भव भएको हो। पाँचौंमा रहेको भिल्लारियलले भने युरोपा कपको विजेता सेभियालाई २–१ ले पन्छायो। भिल्लारियल र एटलेटिको दुवैको समान २० अंक छ। एटलेटिकोले यसअघि डेपोर्टिभो लाकुरुनासँग १–१ को बराबरी खेलेको थियो। इटाली मिलान– इटालीको सिरी ‘ए’ मा इन्टर मिलानले शनिबार एएस रोमालाई १–० ले हरायो र लिगमा शीर्षस्थान कब्जा गर्यो। त्यसमा ग्यारी मेडेलले निर्णायक गोल गरे। यो हारले युभेन्ट्सको लगातार पाँच खेलको जित यात्रामा पूर्णविराम पनि लागेको छ। युभेन्ट्स पनि जितको लयमा फर्केको छ र उसले छिमेकी प्रतिद्वन्द्वी टुरिनोलाई २–१ ले हरायो। रोमाको २३ अंक छ र यो युभेन्ट्सभन्दा एक अंक कम हो।
इंग्ल्यान्ड लन्डन– इङलिस प्रिमियर लिगमा म्यानचेस्टर सिटी र आर्सनल समान २५ अंकमा शनिबार शीर्षस्थानमा रहे। सिटीले नर्विचलाई २–१ ले हरायो भने आर्सनलले स्वान्सीमाथि ३–० को जित निकाल्यो। शनिबारका अन्य खेलमा वाटफोर्डले वेस्ट ह्यामलाई २–० र लेस्टरले वेस्ट ब्रुमलाई ३–२ ले हराए। म्यानचेस्टर युनाइटेड र क्रिस्टल प्यालेस तथा न्युकासल र स्टोकले गोलरहित बराबरी खेले।
|
|
0 comments:
Post a Comment