|
बुखारेष्ट: रोमानियाको बुखारेष्टमा अवस्थित एक रात्रि क्लबमा भएको आगलागीमा परी मारिनेको सङ्ख्या ३० पुगेको छ ।
गत शुक्रबार राति खचाखच भरिएको एक रात्रि क्लबमा अकस्मात आगलागी भएपछि त्यसमा परेर तत्काल २७ जना मारिएका थिए । जलेर घाइतेमध्ये थप तीनजनाको मृत्यु भएको हो । सो सङ्ख्या बढेर ३० पुगेको बताइएको छ ।
आगलागीमा परी १८० भन्दी बढी घाइते भएका थिए । घाइतेमध्ये करिब ९० जनाको अवस्था गम्भीर रहेको बताइएको छ । ती मध्ये पनि २० जना अति गम्भीर भएको बताइएको थियो ।
शुक्रबार राति एक नयाँ गिती एल्बम विमोचन गर्ने कार्यक्रम रहेकोले सो कार्यक्रममा खचाखच मात्रामा सहभागी रहेका थिए ।
क्लबमा नाचगान चलिरहेका बेला अकस्मात आगलागी सुरु भएको थियो । सो एल्बम विमोचनको लागि करिब १ हजार व्यक्तिको सहभागीता रहेको जनाइएको छ ।
|
|
0 comments:
Post a Comment