|
गोरखा, १५ फागुन । डा. बाबुराम भट्टराईले एकीकृत माओवादी परित्याग गरी नयाँ शक्ति गठन अभियानमा लागेसँगै सो पार्टीका अध्यक्ष पुष्पकमल दाहाल प्रचण्ड र नेता भट्टराईबीच वाक्युद्ध देखा परेको छ ।
एक अर्काको अस्तित्व र राजनीतिक चरित्र सिध्याउने गरी पूर्वप्रधानमन्त्री समेत रहेको द्वयनेता एकअर्का विरुद्ध वाक्युद्धमा उत्रिएका हुन् । यसैक्रममा गोरखा आइपुगेका अध्यक्ष प्रचण्डले डा. भट्टराईलाई अब उनकै गृह जिल्ला गोरखाबाट चुनाव जितेर देखाउन चुनौती दिएका छन् ।
शनिबार पत्रकारहरुसँग कुरा गर्दै अध्यक्ष प्रचण्डले अब भट्टराईले गोरखा चुनाव जित्नै नसक्ने दावी पनि गरे ।यसअघिको निर्वाचनमा उनले नभई एकीकृत माओवादीले चुनाव जितेको भन्दै प्रचण्डले भने, ‘बाबुरामजीलाई लागेको हुनसक्छ, मैले जितेको हुँ । त्यो जीत उहाँको हैन, पार्टीको हो । अब जितेर देखाउनुस् ।’
पढेको भन्दैमा कसैले भोट नदिने भन्दै बाबुरामको पढाइप्रति लक्षित गर्दै प्रचण्डले पीएचडी गर्दैमा गोरु वुद्धिमानी नहुने टिप्पणी पनि गरे । ‘मेरो एकजना साथीले भन्नुहुन्थ्यो गोरुको सिङमा पिएचडी गर्दैमा गोरुको बुद्धि आउँदैन भनेर’ उनले भने ‘बाबुरामजीको हकमा पनि त्यस्तै भएको छ ।’
पत्रकारहरुसँगको कुराकानीका क्रममा अधिकांस समय बाबुरामको विषयमा खर्चिएका अध्यक्ष प्रचण्डले डा. भट्टराईले गरेको घात पार्टीको मात्र नभै राष्ट्रको घात, सिद्धान्तको घात र आदर्शको घात भएको आरोप लगाए ।
|
|
0 comments:
Post a Comment