|
कालिकोट, १४ फागुन । तारा एयरको विमान दुर्घटना भएको दुई दिनपनि फेरि शुक्रबार काष्ठमण्डपको विमान दुर्घटनामा परेको छ ।
बाँकेको नेपालगञ्जबाट जुम्लाका लागि उडेको काष्ठमण्डप एयरको विमान कालिकोटमा दुर्घटनामा परेको हो । मध्यान्ह १२ बजेर ५ मिनेटमा नेपालगन्ज विमानस्थलबाट ११ जना यात्रु लिएर उडेको काष्ठमण्डप एयरलाइन्सको नाइन एन एजेबी टुइनअटर विमान कालिकोटको चिलयाखामा आकस्मिक अवतरण गर्ने क्रममा दुर्घटनामा परेको हो।
सो दुर्घटनामा परेर चालक दलका दुई सदस्यको मृत्यु भएको छ। कालिकोटका प्रमुख जिल्ला अधिकारी प्रदीप श्रेष्ठका अनुसार पाइलट दिनेश न्यौपाने र को–पाइल सन्तोष रानाको मृत्यु भएको छ । बाँकी ९ जना घाइते यात्रु मध्ये एकको अवस्था गम्भीर रहेको बताइएको छ । उनीहरुको उद्धार भइरहेको छ । घटनास्थल पुगेको सुरक्षाकर्मीहरुले घाइतेहरुको प्राथमिक उपचार गरेका छन् ।
यसअघि बुधबार कास्कीको पोखराबाट जोमसोमका लागि उडेको तारा एयरको विमान म्याग्दीमा दुर्घटना हुँदा चालक दलका ३ सदस्य सहित २३ जनाको ज्यान गएको थियो
|
|
0 comments:
Post a Comment