नेपाललाई भान्सर छुट दिन अमेरिकी राष्ट्रपति ओबामाले गरे हस्ताक्षर

काठमाडौं, १३ फागुन । अमेरिकी राष्ट्रपति ओबामाले नेपाल ट्रेड प्रेफरेन्सेस बिलमा हस्ताक्षर गरेका छन् । नेपाललाई स्पेसल ट्रेड प्रेफरेन्सेस (विशेष व्यापार ग्राह्यता) दिन स्वीकृति प्रदान गर्ने कानुनमा राष्ट्रपति ओबामाले बुधबार हस्ताक्षर गरेका नेपालस्थित अमेरिकी दूतवासले बिहीबार जारी गरेको विज्ञप्तिमा उल्लेख गरिएको छ ।

‘उक्त कानुनले निश्चित गलैँचा, टोपी, च्यादर, गलबन्दी र यात्रा सामाग्री लगायत ६६ प्रकारसम्मका सामग्रीहरूका हकमा भन्सारछुट सुविधा उपलब्ध गराउनेछ’, जारी विज्ञप्तिमा भनिएको छ ।नेपाल कार्यक्रमलाई १० वर्षका निम्ति स्वीकृति प्रदान गरिएको छ । गएको वैशाखको विनाशकारी भूकम्पले गरेको क्षतिपछि नेपालको आर्थिक पुनरोत्थानमा सघाउने गरी उक्त कार्यक्रम तर्जुमा भएको अमेरिकाको भनाइ छ ।

जनरल सिस्टम अफ प्रेफरेन्सेस (जिएसपी) अन्तर्गतका सुविधाका लागि हालसम्म अयोग्य रहेका नेपाली निर्यात सामग्रीरूलाई उक्त कार्यक्रमले भन्सारछुट सुविधा उपलब्ध गराउनेछ । जारी विज्ञप्तिमा भनिएको छ, ‘नेपाल ट्रेड प्रेफरेन्सेस लेजिस्लेसनले व्यापार क्षमता अभिवृद्धि कार्यक्रमलाई समेत स्वीकृति प्रदान गरेको छ, जुन नेपाललाई विश्व व्यापार सङ्गठनको व्यापार सहजीकरण सम्झौता (टिएफए) को कार्यान्वयनमा नेपाललाई सघाउने कार्यमा केन्द्रित छ ।’

- See more at: http://medianp.com/2016/02/80584.html#sthash.2Jcjhgjz.dpuf

Share on Google Plus

About xy

This is a short description in the author block about the author. You edit it by entering text in the "Biographical Info" field in the user admin panel.