|
काठमाडौं, १३ फागुन । भारतको उत्तर प्रदेशको उन्नव जिल्लामा कक्षा ९ मा अध्ययनरत एक छात्रा माथि सामूहिक बलात्कार भएको छ । विद्यालयमा जानेक्रम एक युवकले होटेलमा लगेर ती युवती माथि बुधबार सामूहिक बलात्कार भएको भारतीय सञ्चार माध्यमहरुले जनाएको छ ।
विद्यालय जानेक्रममा एक युवकले फकाएर ती छात्रालाई आफ्नो मोटरसाइकलमा चढाएर लगेका थिए । तर, उसले केहीबेर घुमाएर खाजा खुवाउने भन्दै ती छात्रालाई होटेलमा लगेका थिए । होटेलमा ती छात्रालाई लग्नु अघि नै होटेलको कोठा अन्य चार युवक बसिरहेका थिए । छात्रालाई त्यहाँ पुर्याए लगत्तै उनीहरुले सामूहिक बलात्कार गरेको पीडित छात्रालाई उद्धृत गर्दै जनाइएको छ ।
छात्रालाई होटेलको कोठामा लाने क्रममा ढोकाहरु बन्द गरिएको थियो । छात्राले रोक्न खोज्दा सकिनन् भने अन्ततः उनी बलात्कारमा परेकी हुन् । साथै बलात्कारपछि छात्रा युवकको पञ्जाबाट उम्केर घर पुगिन । घर पुगेपछि परिवारलाई जानकारी दिएसँगै प्रहरीमा उजुरी र छात्राको मेडिकल जाँच गरिएको छ । र अहिले प्रहरीले बलात्कारका आरोपीहरुको खोजी भइरहेको छ ।
|
0 comments:
Post a Comment