|
कैलाली उद्योग वाणिज्य संघले आज आयोजना गरेको सर्वपक्षीय भेलामा झण्डै दुई महिना लामो बन्द र कर्फ्युका विषयमा भएको छलफलपछि व्यवसायीले यस्तो निर्णय गरेका हुन्। उद्योग वाणिज्य संघका अध्यक्ष शंकर बोगटीले आन्दोलनकारीलाई बन्दको बिकल्प खोज्न समेत आग्रह गरिएको छ।
निरन्तरको बन्दका कारण अत्यन्त असहज र कष्टकर अवस्था सृजना भएकोले आगामि दिनमा जो सुकै पक्षले जे सुकै नाममा गर्ने बन्दका विपक्षमा उभिन बाध्य हुने व्यवसायीहरुले बताएका छन्। भदौ ७ गते भएको टीकापुर घट्नापछि एक महिनायता कर्फ्यु झेल्दै आएका कैलाली जिल्लाका बासिन्दाले त्यसअघि थरुहट र अखण्ड सुदूरपश्चिम पक्षधरको एक महिना लामो बन्द व्यहोरेका थिए।
यसैबीच स्थानिय प्रशासनले शनिबारबाट धनगढीमा लगाएको कर्फ्यु हटाएको छ। टिकापुरमा भने बिहान ५ बजे देखि दिउंसो ३ बजे सम्म कर्फ्यु खुकुलो पारेको छ।
|
|
0 comments:
Post a Comment